Универзитетот во Љубљана во новата академска година воведува две нови студиски програми: биофармацевтско инженерство и биоекономија.

Традиционално, интересот за Медицинскиот факултет е голем — за 240 места се поднесени 467 пријави. Популарни се и програмите на уметничките академии, како и факултетите од областа на здравството, ветеринарната медицина, архитектурата и психологијата.

За првпат 32 студенти од редовите на Словенците кои живеат во странство, а имаат словенечко државјанство, се запишаа преку посебна квота, повеќето на медицина и ветеринарна медицина.

На универзитетот студираат студенти од повеќе од 100 земји во светот, а примени се повеќе од илјада пријави од земјите на Западен Балкан. Вкупниот број студенти на сите три степени на студии изнесува околу 38.000.

Ректорот Грегор Мајдич истакна дека универзитетот развил сопствен словенечко-англиски преведувач за странските студенти кои учествуваат во програми за размена.

Извор: n1info.si