Во Словенија се разгледува воведување бесплатни ручеци за сите ученици, но се појави сериозен проблем — голем недостиг од кујнски персонал.

Министерството за образование пресметало дека за организирање топли оброци за сите ученици во основните училишта ќе бидат потребни дополнителни околу 250 готвачи и кујнски работници — во просек по 0,5 вработени за секое училиште.

Во некои училишта веќе сега не успеваат да се справат со недостигот од персонал: во едно училиште во Цеље појадокот се состои само од овошје, сендвичи и житарки. Од министерството признаваат дека е тешко да се привлечат нови работници — платите не се привлечни.

Во моментов задолжителни се само појадоците (цената е 1,22 евра за учениците во основните училишта и 4 евра за средношколците), додека ручеците се по избор и дополнително се плаќаат, со можност за субвенции.

Извор: svet24.si